သတင်းထုတ်လွှင့်ချက် - (EP - 393)

သတင်းထုတ်လွှင့်ချက် - (EP - 393)

ဇန်နဝါရီလ ၂၃ ရက်၊ ၂၀၂၅ ခုနှစ်။

ဒီနေ့တော့ အထူးကဏ္ဍအနေနဲ့ ဆက်သွယ်မေးမြန်းချက် တစ်ပုဒ်ကို နားဆင်ရဖို့ရှိနေပါတယ်။ တစ်လေးလုံး စစ်ဆင်ရေးနောက်ပိုင်း လွိုင်ကော်မြို့အတွင်းက ကရင်နီ တော်လှန်ရေးတပ်တွေ ပြန်လည် ဆုတ်ခွာ သွားပြီးနောက် စစ်ကောင်စီက ပြန်လည်ထိန်းချုပ်လိုက်တာ ၇ လလောက် ရှိပြီ ဖြစ်ပါတယ်။

လွိုင်ကော်မြို့ထဲကို ပြန်လည်နေထိုင်ကြဖို့ စစ်ကောင်စီဘက်က ပြန်လည်ဖိတ်ခေါ်ပြီးနောက်ပိုင်း ဒေသခံ ထက် ဝက်နီးပါး မြို့ထဲမှာ ပြန်နေ နေကြပြီလို့ ဒေသခံတွေက ပြောပါတယ်။

လက်ရှိ လွိုင်ကော်မြို့အတွင်း ပြန်လည်ထူထောင်ရေး လုပ်ငန်းတွေ ဆောင်ရွက်နေပြီ ဖြစ်ပေမယ့်လည်း  ပုံမှန် အခြေအနေကို ပြန်လည်ရောက်ရှိဖို့ ရုန်းကန်နေရဆဲဖြစ်တယ်လို့ လွိုင်ကော်ဒေသခံတွေက ဆိုပါတယ်။

စစ်တပ် ထိန်းချုပ်မှုအောက်မှာရှိနေတဲ့ လွိုင်ကော်မြို့ရဲ့ လက်ရှိအခြေအနေနဲ့ မြို့ထဲမှာ ပြန်နေထိုင်ကြသူတွေရဲ့ ကြုံတွေ့နေကြရတဲ့ စိန်ခေါ်မှု အခက်အခဲတွေနဲ့ ပတ်သက်ပြီး လွိုင်ကော်မြို့ခံ အမျိုးသားတစ်ယောက်ကို ကိုပီတာက ဆက်သွယ် မေးမြန်းထားပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။