မြေမြှုပ်မိုင်းနှင့် ပေါက်ကွဲစေတတ်တဲ့ ပစ္စည်းတွေရဲ့ အန္တရာယ်

မြေမြှုပ်မိုင်းနှင့် ပေါက်ကွဲစေတတ်တဲ့ ပစ္စည်းတွေရဲ့ အန္တရာယ်

သတင်းထုတ်လွှင့်ချက် - (EP - 513)

မြေမြှုပ်မိုင်းနှင့် ပေါက်ကွဲစေတတ်တဲ့ ပစ္စည်းတွေဟာ ဘယ်လိုနေရာမှာ ရှိနေတတ်ပြီး ဘယ်လိုအန္တရာယ်တွေ ပေးနိုင်သလဲ။ 

မြေမြှုပ်မိုင်း ဆန့်ကျင်ရေးနဲ့ ပညာပေးရေး အဖွဲ့တွေရဲ့ အချက်အလက်တွေ အရဆိုရင် ၁၉၉၉ ခုနှစ်ကနေ ၂၀၂၃ ခုနှစ်အထိ နှစ်ပေါင်း ၂၀ ကျော်ကာလမှာ မိုင်း ထိမိသူပေါင်း ခုနှစ်ထောင် ကျော်ရှိခဲ့ပေမယ့် ၂၀၂၃ ခုနှစ် တစ်နှစ်ထဲမှာတော့ နှစ်ထောင့်ကိုးရာကျော် အထိ ရှိလာခဲ့တယ်လို့ ဆိုပါတယ်။

ဒါကြောင့် တိုက်ပွဲနဲ့ ပဋိပက္ခဒေသတွင်းနဲ့ စစ်မက်ဖြစ်ပွားတဲ့ နေရာတွေမှာ နေထိုင်ကြတဲ့ ပြည်သူတွေအနေနဲ့ မြေမြှုပ်မိုင်းအကြောင်း သိသင့် သိထိုက်တာတွေ သိထားပြီး အန္တရာယ်တွေကို ရှောင်ရှားနိုင်ဖို့ လိုအပ်ပါတယ်။

ဒီမြေမြှုပ်မိုင်းတွေနဲ့ ပေါက်ကွဲစေတတ်တဲ့ ပစ္စည်းတွေဟာ ဘာတွေလဲ၊ အန္တရာယ် မဖြစ်အောင် ဘယ်လို ရှောင် ရှားသင့်လဲ ဆိုတာတွေကို နောက်ပိုင်းတွေမှာလည်း အသေးစိတ် တင်ဆက်ပေးသွားဖို့ ရှိပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။